Pawan Kalyan: విశ్వంభర సెట్స్ పై పవన్ కు త్రిష కానుక

జనసేనాని పవన్ కల్యాణ్ నిన్న విశ్వంభర షూటింగ్ లొకేషన్ లో సందడి చేసిన సంగతి తెలిసిందే. మెగాస్టార్ చిరంజీవి, త్రిష జంటగా యువ దర్శకుడు వశిష్ఠ దర్శకత్వంలో తెరకెక్కుతున్న చిత్రం విశ్వంభర. ప్రస్తుతం ఈ చిత్రం హైదరాబాద్ శివార్లలోని ముచ్చింతల్ వద్ద షూటింగ్ జరుపుకుంటోంది. 

పవన్ కల్యాణ్, నాగబాబు షూటింగ్ లొకేషన్ కు వచ్చి అన్నయ్య చిరంజీవి ఆశీస్సులు అందుకున్నారు. ఈ సందర్భంగా చిరంజీవి జనసేన పార్టీకి రూ.5 కోట్ల భారీ విరాళం అందించిన సంగతి తెలిసిందే. అదే సమయంలో, మరో ఆసక్తికర పరిణామం చోటుచేసుకుంది. 

విశ్వంభర షూటింగ్ లొకేషన్ కు వచ్చిన పవన్ కల్యాణ్ కు నటి త్రిష ఓ కానుక అందించారు. ఓ మొక్కను పవన్ కు బహూకరించారు. గతంలో పవన్ కల్యాణ్, త్రిష 'తీన్ మార్' సినిమాలో జంటగా నటించారు. ఈ చిత్రం 2011లో వచ్చింది. మళ్లీ 13 ఏళ్ల అనంతరం పవన్, త్రిష ఇలా విశ్వంభర సెట్స్ పై కలిశారు.